أنا هاحلم

أنا باحلم أنا هاحلم

أنا باحلم اغير وجة الكون

باحلم بحبايبى وأهلى وناسى

باحلم بأبويا واخويا وابنى

باحلم باللمة فى وسط الزحمة تقوى القلب

أنا باحلم أنا هاحلم

باحلم بحبيبى يجيلى بعيون مليانة بحب

باحلم ببلادى برغم القسوة اديها تطبطب

أنا باحلم أنا هاحلم

أنا باحلم بيكى ياطيبة دايما من قلبى قريبة

وبرغم ولادك القاسيين

لكن انتى يا بلدى فى أحلامى الدفا والحضن

أنا باحلم أنا هاحلم

باحلم بشوارعك باحلم بمعالمك

وبرغم البرد اللى ملاكى

من كترة قسوة حكامك

لكن أنتى ياغالية ياصابرة يامليانة حنان

حواريكى تلملم أولاد ك تملانا أمان

أنا باحلم أنا هاحلم

باحلم يا حبيبتى ببستانك

والغايب تاخدية فى أحضانك
وتلمى شمل أولادك
و نعيش يا حبيبتى في خيراتك

أنا باحلم أنا هاحلم

بقايا انسان

كان انسا ن مجرد انسان

يحلم يجرى يفرح كلة ايمان

كان انسان مجرد انسان

يصحو الصبح يصلي ويقرأبعض القرأن

كان انسان مجرد انسان

عزيز يرفض ألوان الظلم والطغيان

كان انسان مجرد انسان

يحيا زمنا ظل قانونة يفى بالذل والبهتان

كان انسان مجرد انسان

وبرغم ذلك ظل يحارب العدوان

كان انسان مجرد انسان

فى يوم أسودطغى فى بلادة العدوان

كان انسان مجرد انسان

سقط الانسان ودمة يزرف بلا شطآن

كان انسان مجرد انسان

وجدوا أشلائة مبعثرة فى كل مكان

كان انسان مجرد انسان

أبنائة حولة ملأت قلوبهم النيران

كان انسان مجرد انسان

زوجتة تنعى وتصرخ تبكى فى هذيان

كان انسان مجرد انسان

والعالم ينسى ويرقص يشدو بلا خزيان

كان انسان مجرد انسان

ونحن نشاهد فى صمت جبن كتمان

كان انسان مجرد انسان

ضعفاء ليس بداخلنا بقايا انسان

كان انسان مجرد انسان !

الحلم عايش

أخويا يااما بينقتل مش عارفة يااما أعملة اية

أصرخ واعيط واشجب وانددوللااخدالطوبة بايدية

مش قادرة يااما اتخرس قوليلى يااما فى ايدي اية

مخنوقة ياامااتكلمى قوليلى يااما ساكتة لية

الطفل يااما بيتولد ويا الصباح

وفى المسا يااما الوليد يصبح شهيد

أخويا يااماواجعنى لكن

قوليلى يااماأعملة اية

قررت يااما أكبر ابنى

وانذرة لحرب الاعادى

قررت يااما أقولة يا بنى
حرر القدس باديك

راح اكبرة وهعلمة

وهاقولة يا بنى

حقق الحلم اللى عايش

جوة أمك

وهسللة السيف بايدى

وهاقولة يابنى

رجع الدم فى وريدى

هيكون بطل هيكون شجاع

وهاعلمة برضة يا أمى

يرجع الحلم اللى ضاع

لأ دة لسة الحلم عايش

عمرة أبدا يوم ما ضاع

طول ما فيةعالارض عايش

مسلم وعايز يدخل القدس الشريف

يبقى عمر الحلم أبدا

ما فى يوم يضيع

ربنا ينقذ بلادنا

ويقوى الحلم فى قلوبنا

وأبقى يااما ساعتها عارفة

أعمل انا لأخويا أية

اذاعة ام كلثوم

مساء الخير

كنت قاعدة دلوقتى بفتكر الزمن اللى فات

بفتكر أيام طفولتى وافكر ازاى عدت كدة فجأة ! فاكرين يا جماعة اذاعة الست العظيمة ام كلثوم

فى ساعة العصارى بعد الغداء مع فنجان الشاى وهى بتطربنا بصوتها واحنا فرحانين قوى وبنسمعها واحنا

واحنا بنلعب مع اخواتنا وحاسين ان دى قمة المتعة فى العالم ؟

قاعدة دلوقتى بفتكر راح فين الزمن دة ؟راح فين الاحساس دة؟!

احساس الامان والحب والرضا! الاحساس بالامل فى بكرة!

من افقدنا هذا الاحساس ؟

ذئاب من البشر

وقفت لوحدى فى عالم غريب

وقفت فى عالم مليش فيةحبيب

عالم من وحوش عالم من ذئاب

عالم مفهوش حاجة اسمها احباب

وشوفت طفل بيبكى بيبكى من غير رجى ..

وشوفت أم بتنهر بتنهرفى الذئاب

وشوفت اخ شايف اخوة بينقتل

بيضحك مفيش مشاعرهي قلوبكم حجر

وشوفت شيطان لعين شيطان مفهوش حنين

شيطان مرسوم فى هيئة هيئة البشر

لقيت واحد بيضحك فرحت جريت علية

فى احر من الجمر

سالتة لية بتضحك قال اخويا بينقتل!

صرخت فيةحرام قال لا ماهوش حرام

دى حرب بتنتشر

حسيت انى فى غابة كفاية يا بشر كفاية

كفاية حرام نعارك تعالوا اوام نشارك

ونعمر الخراب تعالوا نقول لبكرة

تعالى بدون ذئاب