الأربعاء، 28 يناير 2009

أنا هاحلم


أنا باحلم أنا هاحلم

أنا باحلم اغير وجة الكون

باحلم بحبايبى وأهلى وناسى

باحلم بأبويا واخويا وابنى

باحلم باللمة فى وسط الزحمة تقوى القلب

أنا باحلم أنا هاحلم

باحلم بحبيبى يجيلى بعيون مليانة بحب

باحلم ببلادى برغم القسوة اديها تطبطب

أنا باحلم أنا هاحلم

أنا باحلم بيكى ياطيبة دايما من قلبى قريبة

وبرغم ولادك القاسيين

لكن انتى يا بلدى فى أحلامى الدفا والحضن

أنا باحلم أنا هاحلم

باحلم بشوارعك باحلم بمعالمك

وبرغم البرد اللى ملاكى

من كترة قسوة حكامك

لكن أنتى ياغالية ياصابرة يامليانة حنان
حواريكى تلملم أولاد ك تملانا أمان

أنا باحلم أنا هاحلم

باحلم يا حبيبتى ببستانك

والغايب تاخدية فى أحضانك
وتلمى شمل أولادك
و نعيش يا حبيبتى في خيراتك
أنا باحلم أنا هاحلم




مرسلة بواسطة في

هناك 10 تعليقات:

  1. Empress appy28 يناير 2009 في 10:27 ص

    مش دايما الحلم وحده كفايه يا ريكو لازم تقدرى تحققيه احلامك رقيقه

    ردحذف
  2. غير معرف28 يناير 2009 في 4:36 م

    حلو اوي البوست ونورتيني بزيارتك ويارب تكرريها وياريت تنوريني ف المدونة الرئيسية دومتي بالف خير

    ردحذف
  3. Unknown28 يناير 2009 في 8:03 م

    ازيك
    أول حاجة طبعا سلام عليكم
    كنت شفت من شوية في قايمة المدونات الصديقة تحت عنوان مدونتك عنوان فرحني جدا جدا دخلت ملقتهوش كنت لقيت..العنوان ده(كأني أتكلم..أقدار قلب) ياترى ده بجد عنوان كتبتيه ورجعتي مسحتي ولا ده تهيأ عندي مش عارف بس هو ده الي ظاهر عندي ممكن تتأكدي..
    مودتي

    ردحذف
  4. غير معرف28 يناير 2009 في 9:40 م

    وانا كمان بحلم معاكى احلامك الجميله دى
    وبادعى ربنا انها تتحقق

    سلامى
    :))

    ردحذف
  5. إيمان28 يناير 2009 في 10:35 م

    أنا كمان بحلم معاكى ... وطول ماحنا عندنا أمل وبنحب بعض ... أكيد هيجى يوم ... وتتحقق أحلمنا ... أو حتى هيتهئ لينا إنها إتححققت

    ردحذف
  6. ريكو30 يناير 2009 في 1:44 ص

    APPY
    اولا شكرا لمرورك وحقيقي نورتينى
    حبيبتى عارفة ان الحلم مش دايما يبقى حقيقه
    وعارفة ان حلمى اصبح المستحيل فى زمن الصعب
    لكن بيجى على الواحد وقت يحس انه لازم يحلم
    حتى وهو متأكد ان الحلم دة صعب المنال
    أصلنا لو بطلنا نحلم هنموت

    ردحذف
  7. ريكو30 يناير 2009 في 1:48 ص

    حروف
    اشكرك على الزيارة
    حقيقى نورتينى
    وشكرا على المجاملة الجميلة دى
    تحياتى

    ردحذف
  8. ريكو30 يناير 2009 في 1:51 ص

    كاتب مصري
    اعتزر عن جهل سنة اولى تدوين
    تحياتى

    ردحذف
  9. ريكو30 يناير 2009 في 1:53 ص

    SHAYMA
    يا رب يا شيمو ربنا يحققها
    واهلا بيكى معايا فى حلمى
    تحياتى

    ردحذف
  10. ريكو30 يناير 2009 في 1:56 ص

    ايمان
    يا رب يا ايمان مايتهيألناش
    وتتحقق الاحلام فعلا
    وزى ماانت قلتى الحكاية محتاجة شوية صبر وحب وامل وايمان
    تحياتى الخالصة

    ردحذف

شرفونى ونورونى

الاشتراك في: تعليقات الرسالة (Atom)