مركبى

عاشقة الترحال أنا فى دنيا رحاله

ومركبى ما بين الشط والبحر جواله

ما بين حيرة ويأس ساعات

لكنى برده للأمل طول عمرى ميالة

حاسه بحاجات حلوة شايلها الزمن

لكن الزمن تملى كل ساعة بحالة

ساعات ألقاه ناعم كما الاغصان

خضره وغضة وناعمه أوى وولهانه

وساعات يكون كما الصخر العفى

جامد وجاحديجرح فى قلوب عطشانه

لكن قلوبنا لازم تكون بالامل مليانة

لجل ما نرسى ونبعد عن الاحزان

ونحقق الاحلام

وانا حلمى دايما كان

انى أكون بين القلوب بالحب دفيانة

أيام بلا أحلام

مشيت فى السكة مع التايهين فى أماكنهم
وتهت زى الخلق أصلى أنا منهم..
حيران مسافر وزادى تاه فى زوادهم
ما انا زييهم وحالى داب فى مشاكلهم
***********
بصيت على الايام لاقيتها مروحه
وناديت على الاحلام لية انتى منوحه
قالتلى أصل الحياة يا بنتى كدة دايما
تبان للخلق ..وردة جميلة مفتحة
***********
لكن الحقيقة يا بنتى مش كدة خالص
دى خداع وغش أبدا ما فيها الفارس
اجرى يا بنتى وروحى لتوهى زييهم
ربى يا بنتى عليكى هو الحارس