عاشقة الترحال أنا فى دنيا رحاله
ومركبى ما بين الشط والبحر جواله
ما بين حيرة ويأس ساعات
لكنى برده للأمل طول عمرى ميالة
حاسه بحاجات حلوة شايلها الزمن
لكن الزمن تملى كل ساعة بحالة
ساعات ألقاه ناعم كما الاغصان
خضره وغضة وناعمه أوى وولهانه
وساعات يكون كما الصخر العفى
جامد وجاحديجرح فى قلوب عطشانه
لكن قلوبنا لازم تكون بالامل مليانة
لجل ما نرسى ونبعد عن الاحزان
ونحقق الاحلام
وانا حلمى دايما كان
انى أكون بين القلوب بالحب دفيانة
لكن قلوبنا لازم تكون بالامل مليانة
ردحذفلجل ما نرسى ونبعد عن الاحزان
ونحقق الاحلام
الله عالكلام الجميل والامل بكره
الدنيا بتقسي علينا احيانا لكن لازم الامل يكون موجود علطول و الرضى بالي كتبه ربنا لينا
كلماتك رائعة كالعادة
تسلم ايدك
خاطره جمييييييييييييله ومؤثرة جدا
ردحذفانا كمان طول عمري للأمل مياله
وحشتينى جداااا
على فكرة يا ريكو موضوعاتك الجديده مش بتنزل على الرايدر عندى وتقريبا مبتنزلش عند غيري علشان كده
التعليقات عندك قلت واصحابك مش عارفين اخبارك انا دخلت بالصدفه قولت مش معقول تكون ده كله مش نزلت موضوع جديد
يمكن تكونى عالمه حاجه غلط فى السيتنج بتاع المدونه ارجوكى حاولى تظبطيه ضروري
تحياتى لأجمل بنت من اجمل زمن