أنا باحلم أنا هاحلم
أنا باحلم اغير وجة الكون
باحلم بحبايبى وأهلى وناسى
باحلم بأبويا واخويا وابنى
باحلم باللمة فى وسط الزحمة تقوى القلب
أنا باحلم أنا هاحلم
باحلم بحبيبى يجيلى بعيون مليانة بحب
باحلم ببلادى برغم القسوة اديها تطبطب
أنا باحلم أنا هاحلم
أنا باحلم بيكى ياطيبة دايما من قلبى قريبة
وبرغم ولادك القاسيين
لكن انتى يا بلدى فى أحلامى الدفا والحضن
أنا باحلم أنا هاحلم
باحلم بشوارعك باحلم بمعالمك
وبرغم البرد اللى ملاكى
من كترة قسوة حكامك
لكن أنتى ياغالية ياصابرة يامليانة حنان
حواريكى تلملم أولاد ك تملانا أمان
أنا باحلم أنا هاحلم
باحلم يا حبيبتى ببستانك
والغايب تاخدية فى أحضانك
وتلمى شمل أولادك
و نعيش يا حبيبتى في خيراتك
أنا باحلم أنا هاحلم
باحلم يا حبيبتى ببستانك
والغايب تاخدية فى أحضانك
وتلمى شمل أولادك
و نعيش يا حبيبتى في خيراتك
أنا باحلم أنا هاحلم
مش دايما الحلم وحده كفايه يا ريكو لازم تقدرى تحققيه احلامك رقيقه
ردحذفحلو اوي البوست ونورتيني بزيارتك ويارب تكرريها وياريت تنوريني ف المدونة الرئيسية دومتي بالف خير
ردحذفازيك
ردحذفأول حاجة طبعا سلام عليكم
كنت شفت من شوية في قايمة المدونات الصديقة تحت عنوان مدونتك عنوان فرحني جدا جدا دخلت ملقتهوش كنت لقيت..العنوان ده(كأني أتكلم..أقدار قلب) ياترى ده بجد عنوان كتبتيه ورجعتي مسحتي ولا ده تهيأ عندي مش عارف بس هو ده الي ظاهر عندي ممكن تتأكدي..
مودتي
وانا كمان بحلم معاكى احلامك الجميله دى
ردحذفوبادعى ربنا انها تتحقق
سلامى
:))
أنا كمان بحلم معاكى ... وطول ماحنا عندنا أمل وبنحب بعض ... أكيد هيجى يوم ... وتتحقق أحلمنا ... أو حتى هيتهئ لينا إنها إتححققت
ردحذفAPPY
ردحذفاولا شكرا لمرورك وحقيقي نورتينى
حبيبتى عارفة ان الحلم مش دايما يبقى حقيقه
وعارفة ان حلمى اصبح المستحيل فى زمن الصعب
لكن بيجى على الواحد وقت يحس انه لازم يحلم
حتى وهو متأكد ان الحلم دة صعب المنال
أصلنا لو بطلنا نحلم هنموت
حروف
ردحذفاشكرك على الزيارة
حقيقى نورتينى
وشكرا على المجاملة الجميلة دى
تحياتى
كاتب مصري
ردحذفاعتزر عن جهل سنة اولى تدوين
تحياتى
SHAYMA
ردحذفيا رب يا شيمو ربنا يحققها
واهلا بيكى معايا فى حلمى
تحياتى
ايمان
ردحذفيا رب يا ايمان مايتهيألناش
وتتحقق الاحلام فعلا
وزى ماانت قلتى الحكاية محتاجة شوية صبر وحب وامل وايمان
تحياتى الخالصة